اانا ماهمني وصلك اذا في خاطرك هجري
فمان الله روحي دون تجريحِ
وانا ماهمني دمعك على خدك نزل يجري
عرفت اعامل دموع التماسيحِ
انا اصعب من عنادك واكبر من الغدر فيك عيونك
انا اكبر من ودادك واصغر من الصدق في جفونك
انا اصبحت في فن الهوى استاذ
فؤادي ماتطولينه ترى غلفته بفولاذ
واذا في بالك ملكتيني ترى يابنت غلطانه
انا قلبي الى هاليوم محد(ن) فك بيبانه
انا من طبعي ماتلفت وراي لأي شخص كان
احدد مقصدي قبلي انا ومن بعدي الطوفان
اذا جا في بالك انتي شي تراك انتي ابد لاشي
وترى لارحتي ماظن الزمن يوقف
ولا ظن البشر بيموت ولا بتتغير الاسماء
ولا بتعقم غيوم الله ونتقاتل بقطرة ماء
انا اظن الي بيصير لارحتي..!!
غرام الصيف بطوي صفحته
واعشق بفـصــــل الشتــــــاء
